راولپنڈی کے 19 علاقوں میں اسمارٹ لاک ڈاؤن نافذ

کورونا کیسز میں اضافے کے بعد کئی علاقوں میں اسمارٹ لاک ڈاؤن کا نفاذ کر دیا گیا۔

نوٹیفیکیشن کے مطابق راولپنڈی میں کورونا کیسز بڑھ جانے کے بعد تین تحصیلوں سمیت ضلع بھر کے 19علاقوں میں اسمارٹ لاک ڈاؤن نافذ کیا گیا ہے۔

ضلعی انتظامیہ کا کہنا ہے کہ راولپنڈی شہر میں اسکیم تھری، ڈھوک نجو، خیابان سر سید سیونتھ روڈ، سیٹلائٹ ٹاؤن، وارث خان ،گوالمنڈی اور دیگر علاقے شامل ہیں جب کہ تحصیل ٹیکسلا میں بٹل سٹاف برہما، تحصیل کہوٹہ کا گاؤں ڈھپری، گوجرخان کا وارڈ 18 اور 19 بھی اسمارٹ لاک ڈاؤن کی زد میں ہے۔

نوٹیفیکیشن میں کہا گیا ہے کہ متاثرہ علاقوں میں مذہبی، سماجی اور سیاسی اجتماعات پرمکمل پابندی عائد کی گئی ہے جب کہ طبی مراکز24 گھنٹے کھلے رہیں گے۔

اس کے علاوہ جنرل اسٹور، کریانہ، آٹا چکی، پھل کی دوکانیں اور پیٹرول پمپس اب 9 سے شام 7 بجے تک کھلیں گے جب کہ چکن گوشت، بیکریز صبح 7 سے شام 7 بجے تک کھلیں گی۔

شاید آپ یہ بھی پسند کریں

اسی طرح کی مزید پوسٹس

مینو