کسٹمز کا آپریشن، 12 کروڑ روپے مالیت کی اسمگل شدہ گاڑیاں ضبط

فیڈرل بورڈ آف ریونیو (ایف بی آر) کے ماتحت ادارے پاکستان کسٹمز نے اسمگلنگ کے خلاف کامیاب آپریشن کرتے ہوئے 12 کروڑ روپے سے زائد مالیت کی اسمگل شدہ لگژری گاڑیاں ضبط کرلیں۔

فیڈرل بورڈ آف ریونیو کے مطابق پاکستان کسٹمز نے فرنٹئیر کور اور بلوچستان پولیس کے تعاون سے کوئٹہ چمن ہائی وے پر واقع گاڑیوں کے شو روم پر آپریشن کرتے ہوئے، 24 اسمگل شدہ لگژری گاڑیاں ضبط کرلیں جن کی مالیت 120 ملین روپے ہے۔

پاکستان کسٹمز نے کہا ہے کہ اسمگلنگ کے خلاف جاری آپریشن کو تیز تر کر دیا ہے تاکہ مقامی تاجر جو کہ قانونی تجارت کر رہے ہیں، ان کے مفادات کا تحفظ کیا جاسکے اور اسمگل شدہ اشیاء کے معیشت پر منفی اثرات کو ختم کیا جا سکے۔

شاید آپ یہ بھی پسند کریں

اسی طرح کی مزید پوسٹس

مینو