وزیر خارجہ کا مباحثے’ بین الاقوامی آرڈر بعد از کورونا عالمی وبا‘ سے خطاب

وزیر خارجہ شاہ محمود قریشی نے کہا ہے کہ ہم نے اپنی حکمت عملی سے کورونا کے پھیلاؤ کو روکنے میں کافی حد تک کامیابی حاصل کی۔

وزیر خارجہ شاہ محمود قریشی نے ٹی آر ٹی ورلڈ فورم 2020ء مباحثے’ بین الاقوامی آرڈر بعد از کورونا عالمی وبا‘ میں بذریعہ ویڈیو لنک خطاب کیا۔

اپنے خطاب میں شاہ محمود قریشی کا کہنا تھا کہ کورونا وبا سے دنیا بھر میں 60 ملین سے زائد افراد متاثر ہو چکے ہیں، پاکستان کو بھی کورونا کے باعث چیلنجز کا سامنا کرنا پڑا لیکن ہم نے اپنی حکمت عملی سے وبا کے پھیلاؤ کو روکنے میں کافی حد تک کامیابی حاصل کی۔

ان کا کہنا تھا کہ کورونا دوسرے دور میں داخل ہو چکا ہے جس میں متاثرین کی تعداد تیزی سے بڑھ رہی ہے۔

شاہ محمود کا کہنا تھا کہ تنازعات نے سر اٹھانا شروع کیا ہے، عالمی استحکام کو خطرات لاحق ہو رہے ہیں، محاذ آرائی میں کمی لانے اور تنازعات کے حل کیلئے، بین الریاستی سفارت کاری کو فروغ دینے کی ضرورت ہے۔

شاید آپ یہ بھی پسند کریں

اسی طرح کی مزید پوسٹس

مینو