کائی زدہ ڈنٹھل یا پروانے کا لاروا؟

اس سے قبل ہم پتوں جیسے کیڑے اور دیگر اقسام کی تتلیوں کی کیموفلاج ہونے کی صلاحیتوں کے متعلق پڑھ چکے ہیں۔ اب اس تصویر کو دیکھئے جس میں درخت کے تنے سے چپکا اسی رنگ کا ایک بلبل نما ٹکڑا نظر آرہا ہے وہ حقیقت میں ایک زندہ کیڑا ہے۔

اس لاروے نے پرندوں اور بڑے کیڑوں سے بچنے کے لئے خود کو ارتقائی عمل سے گزارا ہے۔ یہ اپنے اوپر کوڑا کرکٹ ڈال کر خود کو ڈھانپ لیتا ہے اور خود بھی درخت کا روپ اختیار کرلیتا ہے۔ تاہم فوٹو گرافر نے اس کے متعلق مزید تفصیلات نہیں دی ہیں۔ اتنا ضرور معلوم ہوا ہے کہ یہ مڈغاسکر کے ہرے بھرے جنگل اینڈاسائب میں پایا جاتا ہے اور ایک قسم کے پتنگے کا کیڑا ہے۔ Superfamily Tineoidea

پتنگے کا لاروا اب سائنسدانوں کی توجہ چاہتا ہے لیکن ایک بات طے ہے کہ اس جانور کو کسی بھی طرح شناخت کرنا محال ہے۔ یہی وجہ ہے کہ دیگر جاندار اسے نوالہ نہیں بناپاتے۔ صرف حرکت کے وقت ہی اسے محسوس کیا جاسکتا ہے۔