کراچی میں مسلسل تیسرے روز موبائل فون سروس متاثر

کراچی کے مختلف علاقوں میں مسلسل تیسرے روز بھی موبائل فون سروس متاثر ہے۔

دو روز قبل ہونے والی بارش کے باعث بجلی کے طویل بریک ڈاؤن کی وجہ سے شہر کے بیشتر علاقوں میں موبائل فون سروس معطل ہوئی تھی۔

دو روز بعد بجلی کی فراہمی بحال ہونے کے بعد شہر کے کچھ علاقوں میں موبائل فون سروس بھی بحال ہو گئی ہے تاہم اب بھی شہر کے بیشتر علاقے ایسے ہیں جہاں موبائل فون سروس بند ہے یا سگنلز نہ ہونے کے برابر ہیں۔

موبائل فون سروس نہ ہونے کی وجہ سے شہریوں کو اپنے پیاروں سے روابط میں انتہائی مشکلات کا سامنا ہے۔

ذرائع کے مطابق سیلولر کمپنیوں کی تنصیبات میں بجلی بریک ڈاؤن اور برساتی پانی داخل ہونے کی وجہ سے مسائل کا سامنا ہے۔

شاید آپ یہ بھی پسند کریں

اسی طرح کی مزید پوسٹس

مینو