جولائی میں براہ راست غیر ملکی سرمایہ کاری میں اضافہ

نئے مالی سال کے پہلے مہینے جولائی میں براہ راست غیر ملکی سرمایہ کاری میں اضافہ ریکارڈ کیا گیا ہے۔

اسٹیٹ بینک آف پاکستان کے اعداد و شمار کے مطابق جولائی 2019ء کے مقابلے میں جولائی 2020ء میں براہ راست غیرملکی سرمایہ کاری 60 فیصد زائد رہی۔ جولائی 2020ء میں 11 کروڑ 43 لاکھ ڈالر کی براہ راست غیرملکی سرمایہ کاری کی گئی۔

گزشتہ سال جولائی میں براہ راست غیر کی سرمایہ کاری 7 کروڑ 11 لاکھ ڈالر رہی تھی۔ جولائی 2020ء میں اسٹاک مارکیٹ سے 7 کروڑ 32 لاکھ ڈالر کا انخلا ہوا جبکہ غیر ملکی پبلک انویسٹمنٹ 6 کروڑ 60 لاکھ ڈالر رہی۔ جولائی 2020ء میں مجموعی غیرملکی سرمایہ کاری 2.2 فیصد اضافہ سے 10 کروڑ 72 لاکھ ڈالر رہی۔

اسٹیٹ بینک کے مطابق الیکٹرک مشنری اور فنانشل بزنس کے شعبوں میں سب سے زیادہ سرمایہ کاری ہوئی۔ایک ماہ میں الیکٹرک مشنری میں 2 کروڑ 90 لاکھ ڈالر سرمایہ کاری کی گئی۔

شاید آپ یہ بھی پسند کریں

اسی طرح کی مزید پوسٹس

مینو