چیئرمین نیب کو سینیٹ کی انسانی حقوق کمیٹی نے طلب کرلیا

قومی احتساب بیورو (نیب) کے چیئرمین جسٹس (ر) جاوید اقبال کو بطور سربراہ لاپتہ افراد کمیشن سینیٹ کی انسانی حقوق فنکشنل کمیٹی میں طلب کرلیا گیا تاہم انہون نے فی الحال پیش ہونے سے معذرت کرلی ہے۔

جسٹس ریٹائرڈ جاوید اقبال نے سینیٹ کمیٹی کے نوٹس کا جواب بھیج دیا ہے جس میں کہا گیا ہے کہ پارلیمنٹ کا بے حد احترام کرتا ہوں اور سینیٹ کمیٹی کے سامنے پیش ہونا اعزاز ہوگا۔

انہوں نے مزید کہا کہ آج کل میں آنکھوں کے آپریشن کا امکان ہے تو آنکھوں کے آپریشن کے بعد ایک ہفتہ آرام کرنا ہوگا، ‎ممکنہ آپریشن کے بعد ڈاکٹر ایک ہفتے تک پڑھنے لکھنے سے منع کرسکتے ہیں۔

لاپتہ افراد کے کمیشن کے سربراہ نے کمیٹی سے درخواست کی کہ کمیٹی 21 اگست کا اجلاس منسوخ کرے۔

سینیٹ کی قائمہ کمیٹی برائے انسانی حقوق کے چیئرمین مصطفیٰ نواز کھوکھر نے کہا کہ ‎جاوید اقبال کے صحت یاب ہونے پر اجلاس دوبارہ بلایا جائے گا۔

قبل ازیں سینیٹ قائمہ کمیٹی برائے انسانی حقوق نے جسٹس (ر) جاوید اقبال کے خلاف تحریک استحقاق لانے کا فیصلہ کیا تھا۔

چیئرمین مسنگ پرسنز کمیشن جسٹس (ر) جاوید اقبال 17 اگست کو سینیٹ کمیٹی میں پیش نہیں ہوئے تھے۔

شاید آپ یہ بھی پسند کریں

اسی طرح کی مزید پوسٹس

مینو