بابر اعظم تینوں فارمیٹس میں ٹاپ 5 پر موجود دنیا کے واحد کھلاڑی

انٹرنیشنل کرکٹ کونسل (آئی سی سی) نے پاکستان اور انگلینڈ کے درمیان ٹیسٹ میچ ڈرا ہونے کے بعد تازہ ترین رینکنگ جاری کردی۔

ٹیسٹ پلیئرز رینکنگ میں پاکستانی کرکٹرز کی درجہ بندی میں بہتری آئی ہے، بیٹنگ میں بابراعظم کی کیریئر بیسٹ پانچویں پوزیشن پر واپسی ہوئی ہے جبکہ بولنگ میں محمد عباس دو درجہ بہتری کے بعد آٹھویں پوزیشن پر آگئے ہیں۔

آئی سی سی کے مطابق پاکستان ون ڈے ٹیم کے کپتان بابر اعظم دنیا کے واحد کھلاڑی ہیں جو بیک وقت تینوں طرز کی کرکٹ میں ٹاپ 5 کھلاڑیوں میں شامل ہیں۔

بابر اعظم ٹیسٹ میں 5 ویں ، ون ڈے میں تیسرے اور ٹی ٹوئنٹی میں پہلے نمبر پر ہیں۔

— فوٹو: آئی سی سی

ٹیسٹ بیٹسمینوں کی رینکنگ میں پہلے نمبر آسٹریلیا کے اسٹیو اسمتھ، دوسرے پر بھارت کے ویرات کوہلی جبکہ تیسرے نمبر پر آسٹریلیا کے مارنوس لبوشانجے موجود ہیں۔

بولرز پر نظر ڈالی جائے تو پاکستان کے محمد عباس دسویں سے آٹھویں نمبر پر آگئے ہیں۔ آسٹریلیا کے پیٹ کمنز بدستور پہلے نمبر پر ہی موجود ہیں۔

— فوٹو: آئی سی سی

دوسرے نمبر پر انگلش فاسٹ بولر اسٹیورٹ براڈ جبکہ تیسرے نمبر پر اسٹریلیا کے نیل ویگنر موجود ہیں۔

آئی سی سی ورلڈ ٹیسٹ چیمپئن شپ میں پاکستان 153 پوائنٹس کے ساتھ پانچویں نمبر پر ہے جبکہ انگلینڈ تیسرے نمبر پر ہے۔

— فوٹو: آئی سی سی

شاید آپ یہ بھی پسند کریں

مینو