بی جے پی کی رہنما مسلم لڑکیوں کے مذہب تبدیل اور ہندوؤں سے شادیاں کروا رہی ہیں، متاثرہ خاندان

بھارت کی حکمراں جماعت بھارتیہ جنتا پارٹی کی رہنما شکنتلا دیوی پر مسلمان لڑکیوں کو ورغلا کر مذہب تبدیل کرانے اور شادی کرانے میں مرکزی کردار ادا کر رہی ہیں۔

بھارتی خبر رساں ادارے ٹوڈے کے مطابق بی جے پی کی رہنما اور سابق میئر شکنتلا دیوی پر مسلمان لڑکیوں کو جھانسا دیکر ہندو لڑکوں سے شادی کرانے اور مذہب تبدیل کرانے کے الزامات متاثرہ مسلم خاندان کی جانب سے تواتر کے ساتھ عائد کیے جا رہے ہیں۔

حال ہی میں علی گڑھ سے لاپتہ ہونے والی ایک مسلمان لڑکی ہندو لڑکے ساتھ منظر عام پر آئی اور اپنی مرضی سے شادی کرنے کا دعویٰ بھی کیا تاہم مذکورہ لڑکی کے بہنوئی کے مطابق ان کی سالی 7 اگست کو لاپتہ ہوئی تھی اور گھر سے زیور بھی غائب تھا۔

دوسری جانب مسلمان لڑکی کی بہن نے پریس کانفرنس میں بی جے پی رہنما شکنتلا دیوی پر بہن کے اغوا کا الزام عائد کرتے ہوئے کہنا تھا کہ میری بہن میڈیا کے سامنے جس کار پر بیٹھ کر منظر عام پر آئی وہ شکنتلا کی کار ہے۔

مذکورہ لڑکی کی بہن نے مزید انکشاف کیا کہ ایسا پہلی مرتبہ نہیں ہوا ہے اس سے قبل بھی شکنتلا دیوی مسلمان لڑکیوں کے مذہب تبدیل کرانے اور شادی کرانے میں پیش پیش رہی ہیں۔

شاید آپ یہ بھی پسند کریں

مینو