چاہتے ہیں کہ سندھ میں مویشی منڈیاں نہ لگائی جائیں: وزیر اطلاعات سندھ

وزیر اطلاعات سندھ سید ناصر حسین شاہ نے کہا ہے کہ رواں سال چاہتے ہیں کہ سندھ میں مویشی منڈیاں نہ لگائی جائیں جب کہ مرکزی مویشی منڈی سے متعلق وفاق سے بات کریں گے۔

ناصر حسین شاہ نے کہا ہے کہ ہم نے سفارش کی ہے کہ مویشی منڈیاں نہ لگائی جائیں کیونکہ ہم چاہتے ہیں مساجد اور علمائے کرام کے ذریعے قربانی کے جانور حاصل کیے جائیں، اس میں برکت بھی ہوگی اور ثواب بھی ملے گا۔

ان کا کہنا تھا کہ آج کل کے ماحول میں احتیاط بھی لازم ہے، مرکزی مویشی منڈی سے متعلق وفاق سے بات کریں گے۔

ناصر شاہ کا کہنا تھا کہ قربانی کی کھالیں صرف فلاحی ادارے جمع کرسکیں گے اور اجازت نامے رکھنے والے معروف فلاحی ادارے ہی کھالیں جمع کریں گے۔

انہوں نے مزید کہا کہ مائنس ون، ٹو اور تھری کی باتیں مختلف جگہوں سے آتی رہی ہیں لیکن اب وزیر اعظم خود کہہ رہے ہیں کہ انہیں مائنس کرنے کی کوشش ہورہی ہے۔

شاید آپ یہ بھی پسند کریں

اسی طرح کی مزید پوسٹس

مینو