مدینہ منورہ کے گورنر شہزادہ فیصل بن سلمان کا سعودی عرب میں کام کرنے والے غیر ملکی کارکنان سے متعلق اہم اعلان

گورنر مدینہ منورہ شہزادہ فیصل بن سلمان نے کہا ہے کہ سعودی عرب میں کام کرنے والے غیر ملکی کارکنان ہمارے مہمان ہیں، ان کی فلاح و بہبود اور حفاظت کرنا ہماری ذمہ داری ہے۔

میڈیا کو ایک بیان میں، گورنر مدینہ منورہ شہزادہ فیصل بن سلمان کا کہنا تھا کہ غیر ملکی کارکنوں نے سعودی عرب کی تعمیر و ترقی میں اپنا اہم کردار نبھایا ہے،ہمارا مذہب تمام ملازمین سے ہمدردی کرنے کا درس دیتا ہے۔

ان کا مزید کہنا تھا کہ مدینہ منورہ میں ورکرز کے لئے تین ہاوسنگ پروجیکٹ جاری ہیں، غیر ملکی کارکنان کو کورونا وائرس سے بچانے اور ان کو بیماری میں مبتلا ہونے پر حکومت بھرپور کام کر رہی ہے۔

واضح رہے کہ کرونا وائرس کی وبا پھیلنے کے بعد سعودی حکام نے فوری طور پر کارروائی کرتے ہوئے وائرس کے پھیلاؤ کو روکنے اور شہریوں کی سلامتی یقینی بنانے کے اہم اقدامات کیے ہیں۔

حکومتی سطح پر ان تمام اقدامات کا نتیجہ تھا کہ بہت سے غیرملکیوں نے اپنے وطن واپس جانے کی بجائے سعودی عرب میں ہی قیام کو ترجیح دی۔

سعودی فرماں روا شاہ سلمان نے 30 مارچ کو حکم جاری کیا تھا کہ کورونا وائرس کے علاج کی سہولت تمام افراد تک پہنچائی جائے جن میں وہ لوگ بھی شامل ہیں جن کا ویزہ ختم ہو چکا ہے۔ یہ حکم ان بہت سے اعلانات میں سے ایک ہے جو سعودی حکومت نے ملکی آبادی کی فلاح و بہبود کیلئے کیے ہیں.

شاید آپ یہ بھی پسند کریں

مینو