بچہ ماں کی لاش کے پاس 2 دن بھوکا پیاسا رہا

بھارت میں کورونا کے خوف کی وجہ سے 18 ماہ کا بچہ ماں کی لاش کے پاس 2 دن تک بغیر کھائے پیئے بیٹھا رہا۔ کورونا کے خوف سے کوئی پاس نہ آیا.

بھارتی شہر پونے میں کورونا کے خوف کی وجہ سے کوئی بھی شخص متاثرہ خاندان کی مدد کو تیار نہیں تھا، جس پر مالک مکان نے پولیس کو فون پر اطلاع دی جس پر اہلکاروں نے پہنچ کر گھر میں ماں کی لاش کے پاس ہی بیٹے کو بیٹھا ہوا پایا۔

بھارتی میڈیا کے مطابق شہری کورونا کے خوف کی وجہ سے بچے کو اٹھانے کو بھی تیار نہ تھے۔تاہم دو خاتون پولیس اہلکاروں نے بچے کو غذا فراہم کی۔

خاتون پولیس اہلکار نے بتایا کہ بچہ بہت بھوکا تھا اس نے فوراً ہی دودھ پیا جبکہ اس کو تھوڑا بخار بھی تھا۔ بعد ازاں بچے کا سرکاری اسپتال سے کورونا ٹیسٹ کرایا گیا جوکہ منفی آیا ہے۔

پولیس حکام کے مطابق مرنے والی خاتون کا شوہر کام کے سلسلے میں ریاست اترپردیش گیا ہوا ہے۔

بھارتی میڈیا کے مطابق بچے کی ماں کا پوسٹمارٹم ہونے کے بعد موت کی وجہ سامنے آئے گی۔

شاید آپ یہ بھی پسند کریں

مینو