تندوری چرغہ

تندوری چرغہ دسترخوان کی رونق بڑھانے اور مہمانوں کی تعریفیں سمیٹنے کے لیے ایک اچھا انتخاب ہوسکتا ہے. گھر پر تندوری چرغہ کیسے تیار کرسکتے ہیں؟

چرغہ کیلئے درکار اجزاء:

چکن۔ ایک کلو (ثابت)

دہی ۔آدھا کپ (پانی نکلا ہوا)

نمک۔ ایک چائے کا چمچ

لیموں کا رس۔ دو کھانے کے چمچ

سرکہ ۔دو کھانے کے چمچ

ادرک لہسن کا پیسٹ۔ دو کھانے کے چمچ

تیل۔ ایک چوتھائی کپ

تندوری مصالحہ۔ تین کھانے کے چمچ (ثابت)

تندوری مصالحہ کے لیے:

نمک۔ ایک کھانے کا چمچ

گرم مصالحہ۔ ایک کھانے کا چمچ (پسا ہوا)

لال مرچ ۔تین کھانے کے چمچ (پسی ہوئی)

اورنج ریڈ کلر ۔آدھا چائے کا چمچ

دھنیا ۔تین کھانے کے چمچ (بھنا اور پسا ہوا)

سونف ۔دو کھانے کے چمچ (بھنی اور پسی ہوئی)

سفید زیرہ۔ دو کھانے کے چمچ (ثابت اور بھنا ہوا)

بنانے کا طریقہ:

تندوری مصالحہ کے لیے بلینڈر میں نمک، گرم مصالحہ، لال مرچ، اورنج ریڈ کلر، دھنیا، سونف اور سفید ذیرہ ڈال کر باریک پیس لیں اور بوتل میں بھر کر استعمال کریں۔

چرغہ کے لیے چکن پر کٹ لگا دیں پھر ایک پیالے میں دہی، تیار کیا ہوا تندوری مصالحہ، نمک، لیموں کا رس، سرکہ، ادرک لہسن کا پیسٹ اور تیل ڈال کر مکس کرلیں۔

اب چکن کو اس مکسچر میں دو گھنٹے کے لیے میری نیٹ کر لیں۔ پھر اسے تندور یا اوون میں رکھ کر ہلکی آگ پر چکن کے گلنے تک پکالیں۔

لیجیے تندوری چرغہ پیش کرنے کے لیے تیار ہے۔

شاید آپ یہ بھی پسند کریں

مینو