نیب نے شہباز شریف کو دوبارہ طلب کرلیا

نیب نے شہباز شریف کو آمدن سے زائد اثاثہ جات کیس میں 17 اپریل کو طلب کیا تھا.

قومی احتساب بیورو (نیب) نے مسلم لیگ (ن) کے صدر و قومی اسمبلی میں قائد حزب اختلاف شہباز شریف کو 22 اپریل کو دوبارہ طلب کرلیا۔

اس سے قبل نیب نے شہباز شریف کو آمدن سے زائد اثاثہ جات کیس میں 17 اپریل کو طلب کیا تھا تاہم انہوں نے تحریری جواب جمع کرادیا تھا اور وہ خود کورونا وائرس کی صورتحال کے باعث پیش نہیں ہوئے تھے۔

قومی احتساب بیورو نے ایک بار پھر شہباز شریف کو 22 اپریل کو دن 12 بجے پیش ہونے کا نوٹس ارسال کیا ہے۔

نیب ذرائع کے مطابق شہباز شریف کو یقین دہانی کروائی گئی کہ کورونا کے پیش نظر حفاظتی انتظامات کیے جائیں گے۔

ذرائع نے بتایا کہ آمدن سے زائد اثاثہ جات کے کیس کی انکوائری آخری مراحل میں ہے اور شہباز شریف سے سوالات کے جواب انتہائی ضروری ہیں۔

واضح رہے کہ اس سے قبل بھی شہباز شریف کو نیب نے آشیانہ ہاؤسنگ اور رمضان شوگر مل کیس میں گرفتار کر رکھا تھا. تاہم لاہور ہائیکورٹ نے 14 فروری 2019ء کو ان کی ضمانت منظور کی تھی۔

شاید آپ یہ بھی پسند کریں

تبصرہ کرنے سے پہلے آپ کا لاگ ان ہونا ضروری ہے۔

اسی طرح کی مزید پوسٹس

مینو