پاکستان میں امریکی فوجی یا ائیر بیس نہیں

پاکستان نے ملک میں کوئی امریکی فوجی یا ائیر بیس ہونے کی تردید کردی ہے۔

ترجمان دفتر خارجہ کے مطابق پاکستان میں کوئی امریکی فوجی یا ائیر بیس نہیں ہے۔

ترجمان نے وضاحت دی کہ ایسی تجویز زیر غور تھی، نہ ہے. اس بارے میں قیاس آرائیاں غیر ذمے دارانہ، بے بنیاد ہیں۔

خیال رہے کہ امریکی محکمہ دفاع پینٹاگون کے حکام نے دعویٰ کیا ہے کہ پاکستان نے امریکی افواج کو افغانستان میں موجودگی برقرار رکھنے میں مدد دینے کیلئے فضائی حدود اور زمین استعمال کرنے کی اجازت دے دی ہے۔

اس بات کا دعویٰ انڈو پیسفیک افیئرز کے لئے امریکی نائب وزیردفاع ڈیوڈ ایف ہیلوے نے گزشتہ ہفتے امریکی آرمڈ سروسز کمیٹی کو بریفنگ میں کیا۔

رپورٹ کے مطابق ڈیوڈ ہیلوے کا کہنا تھا کہ امریکا پاکستان کے ساتھ مذاکرات جاری رکھے گا کیونکہ افغانستان میں امن قائم کرنے کیلئے پاکستان کا کردار بہت اہم ہے۔

شاید آپ یہ بھی پسند کریں

شاید آپ یہ بھی پسند کریں

مینو