نادرا کے دفاتر ہفتے کو بھی کھلے رہیں گے

اسلام آباد: نیشنل ڈیٹابیس اینڈ رجسٹریشن اتھارٹی (نادرا) نے ہفتے کے روز دفاتر کھلے رکھنے کا فیصلہ کرلیا۔

ترجمان نادرا کا کہنا تھا کہ ہفتے کو نادرا دفاتر کی چھٹی ختم کرنے کا فیصلہ عوام کی سہولت کے پیش نظر کیا گیا ہے۔

انہوں نے مزید کہا کہ نادرا دفاتر ہفتے کو معمول کے مطابق مقررہ اوقات پر کھلے رہیں گے۔

خیال رہے کہ لاک ڈاؤن کے باعث نادرا دفاتر کئی روز بند رہنے کے بعد آج سے کھولے گئے ہیں۔

4 مئی سے کھلنے والے دفاتر کے لیے ہدایات جاری کی گئی ہیں جس کے مطابق دفاتر پیر سے جمعرات صبح 10 سے دوپہر 4 بجے تک کھلیں گے اور جمعے کو دفتری اوقات صبح 10 سے دوپہر ایک بجے تک ہوں گے۔

شاید آپ یہ بھی پسند کریں

شاید آپ یہ بھی پسند کریں

مینو