حکومت اب بھی سنجیدہ نہیں صرف تماشے جاری ہیں: شہباز شریف

مسلم لیگ (ن) کے صدر اور قومی اسمبلی میں اپوزیشن لیڈر شہباز شریف کاکہنا ہے کہ وزیراعظم کی سرپرستی میں قوم کا آٹا چینی نہ لوٹا جاتا تو آج قوم آٹا چینی کے لیے یوں دھکے نہ کھا رہی ہوتی۔

(ن) لیگ کے ارکان پارلیمنٹ سے گفتگو کرتے ہوئے شہباز شریف نے کہا کہ صرف تماشے جاری ہیں، حکومت اب بھی کورونا، معیشت، مہنگائی اور بےروزگاری جیسے سنگین مسائل پر توجہ دینے میں سنجیدہ نہیں۔

انہوں نے کہا کہ حکمران خدا ترسی کریں اور چینی کے لیے قطاروں میں کھڑی ماؤں بہنوں کو اس توہین سے نجات دلائیں، خیبرپختونخواہ میں قطاروں میں لگے لوگوں کو آٹا نہیں مل رہا۔

شہباز شریف نے وزیراعلیٰ پنجاب کی معاون خصوصی فردوس عاشق اعوان کے اسسٹنٹ کمشنر پر برہمی کے واقعے پر کہا کہ اپنی غلط پالیسیوں سے ہونے والی مہنگائی کا غصہ خاتون افسر پر نکالنا انتہائی قابل مذمت اور افسوسناک ہے۔

شاید آپ یہ بھی پسند کریں

شاید آپ یہ بھی پسند کریں

مینو