بھارت میں کورونا سے ایک سال میں 100 سے زائد صحافی ہلاک

بھارت میں کورونا وبا کی دوسری لہر فرنٹ لائن پر کام کرتے صحافیوں کے لیے بھی مہلک ثابت ہونے لگی۔

کورونا وائرس سے یومیہ دو صحافیوں کی اموات رپورٹ ہورہی ہے۔ گذشتہ ایک ماہ کے دوران پچاس سے زیادہ صحافی کورونا کے باعث جان سے گئے۔

نئی دہلی میں کی گئی تحقیق کے اعداد و شمار کے مطابق کورونا سے بھارت میں ایک سال کے دوران ایک سو سے زائد صحافی ہلاک ہوچکے ہیں۔

کورونا وائرس سے صحافیوں کی اموات سب سے زیادہ ریاست اتر پردیش اور تلنگانا میں ہوئیں۔

میڈیا حقوق پر کام کرنے والی جنیوا کی غیرسرکاری تنظیم کے مطابق بھارت کورونا سے صحافیوں کی اموات کے لحاظ سے تیسرے نمبر پر آگیا ہے۔

کورونا وائرس سے صحافیوں کی سب سے زیادہ اموات برازیل میں 181 اور 140 اموات پیرو میں ہوچکی ہیں۔

شاید آپ یہ بھی پسند کریں

مینو